Datganiad hygyrchedd ar gyfer Gwneud Cais am Lwfans Gofalwr

Mae'r gwasanaeth hwn yn rhan o wefan ehangach GOV.UK. Mae datganiad hygyrchedd ar wahân ar gyfer prif wefan GOV.UK. (agor mewn tab newydd)

Mae'r dudalen hon ond yn cynnwys gwybodaeth am y gwasanaeth Gwneud Cais am Lwfans Gofalwr yn unig, sydd ar gael yn www.carersallowance.service.gov.uk/ui-citizen-claim/allowance-benefits (agor mewn tab newydd) .

Defnyddio'r gwasanaeth hwn

Mae'r gwasanaeth hwn yn cael ei redeg gan yr Adran Gwaith a Phensiynau (DWP). Rydym am i gynifer o bobl â phosibl allu defnyddio'r gwasanaeth hwn. Er enghraifft, mae hyn yn golygu y dylech fod yn gallu:

  • newid lliwiau, lefelau cyferbyniad a ffontiau gan ddefnyddio gosodiadau porwr neu ddyfais
  • chwyddo i mewn hyd at 400% heb i'r testun ollwng oddi ar y sgrin
  • mynd o ddechrau'r gwasanaeth i'r diwedd gan ddefnyddio bysellfwrdd neu feddalwedd adnabod lleferydd yn unig
  • gwrando ar y gwasanaeth gan ddefnyddio darllenydd sgrin (gan gynnwys y fersiynau diweddaraf o JAWS, NVDA a VoiceOver)

Rydym hefyd wedi gwneud y testun yn y gwasanaeth mor syml â phosibl i'w ddeall.

Mae gan AbilityNet (agor mewn tab newydd) gyngor ar wneud eich dyfais yn haws i'w defnyddio os oes gennych anabledd.

Pa mor hygyrch yw'r gwasanaeth hwn

Rydym yn gwybod nad yw rhai rhannau o'r gwasanaeth hwn yn gwbl hygyrch:

  • Pecynnau llais JAWS - mae rhai lleisiau JAWS yn darllen y term 'P45' yn anghywir fel '45p', mae hwn yn fater JAWS sy'n effeithio ar rai pecynnau llais yn unig
  • Meddalwedd adnabod lleferydd Dragon - ni fydd dolenni sy'n datgelu testun cudd ar dudalen yn ymateb i'r gorchymyn 'cliciwch dolen', ond byddant yn ymateb i ' cliciwch botwm ' - mae hwn yn fater hysbys gyda chydran manylion System Ddylunio GOV.UK. (agor mewn tab newydd)
  • efallai y bydd rhai dyfeisiau symudol a ddefnyddir yn y dull portread yn profi cynnwys sydd ddim yn ffitio ar y sgrin. Gallwch weld y cynnwys naill ai drwy sgrolio'n llorweddol neu ddefnyddio'r ddyfais symudol yn y dull tirwedd

Beth i'w wneud os ydych chi'n cael anhawster defnyddio'r gwasanaeth hwn

Os ydych chi'n cael anhawster defnyddio'r gwasanaeth hwn, cysylltwch â'r Uned Lwfans Gofalwr (agor mewn tab newydd) .

Fel rhan o ddarparu'r gwasanaeth hwn, efallai y bydd angen i ni anfon negeseuon neu ddogfennau atoch. Byddwn yn gofyn i chi sut rydych chi am i ni anfon negeseuon neu ddogfennau atoch chi, ond cysylltwch â ni os bydd eu hangen arnoch mewn fformat gwahanol. Er enghraifft, print bras, recordiad sain neu braille.

Rhoi gwybod am broblemau hygyrchedd gyda'r gwasanaeth hwn

Rydym bob amser yn ceisio gwella hygyrchedd y wefan hon. Os byddwch yn dod o hyd i unrhyw broblemau nad ydynt wedi'u rhestru ar y dudalen hon, neu'n meddwl nad ydym yn bodloni gofynion hygyrchedd, gallwch roi gwybod am broblem hygyrchedd (agor mewn tab newydd) .

Gweithdrefn orfodi

Mae'r Comisiwn Cydraddoldeb a Hawliau Dynol (EHRC) yn gyfrifol am orfodi Rheoliadau Hygyrchedd Cyrff Sector Cyhoeddus (Gwefannau a Chymwysiadau Symudol) (Rhif 2) 2018 (y 'rheoliadau hygyrchedd').

Os nad ydych yn hapus â sut rydym yn ymateb i'ch cwyn, cysylltwch â'r:

Cysylltu â ni dros y ffôn neu ymweld â ni'n bersonol

Rydym yn darparu gwasanaeth cyfnewid testun i bobl sy'n fyddar, â nam ar eu clyw neu sydd â nam ar eu lleferydd.

Mae gan ein swyddfeydd ddolenni sefydlu sain, neu os byddwch chi'n cysylltu â ni cyn eich ymweliad gallwn drefnu cyfieithydd Iaith Arwyddion Prydain (BSL) i'ch helpu chi i gwblhau'r gwasanaeth yn bersonol.

Darganfyddwch sut i gysylltu â ni (agor mewn tab newydd)

Gwybodaeth dechnegol am hygyrchedd y gwasanaeth hwn

Mae DWP wedi ymrwymo i wneud y gwasanaeth hwn yn hygyrch, yn unol â Rheoliadau Hygyrchedd Cyrff y Sector Cyhoeddus (Gwefannau a Chymwysiadau Symudol) (Rhif 2) 2018.

Statws cydymffurfio

Mae'r gwasanaeth hwn yn cydymffurfio'n rhannol â safon AA Canllawiau Hygyrchedd Cynnwys y We fersiwn 2.2 (agor mewn tab newydd) oherwydd y diffyg cydymffurfio a restrir isod.

Cynnwys nad yw'n hygyrch

Nid yw'r cynnwys a restrir isod yn hygyrch am y rhesymau canlynol.

Diffyg cydymffurfio â'r rheoliadau hygyrchedd

Efallai y bydd rhai dyfeisiau symudol a ddefnyddir yn y dull portread yn profi cynnwys neu ddolenni yn cael eu torri i ffwrdd ar dudalennau sy'n defnyddio cydrannau tabl. Mae hyn yn methu maen prawf llwyddiant 1.4.10 WCAG 2.2 (ail-lifo).

Rydym yn bwriadu datrys hyn pan fyddwn yn datblygu gwasanaeth gwneud cais ar-lein newydd.

Mae problem ar rai tudalennau lle mae cwestiynau a ddatgelir yn amodol gyda botymau radio. Wrth ddefnyddio darllenydd sgrin ar y tudalennau hyn, mae rhifo'r botymau a ddatgelir yn amodol yn anghywir.

Mae hyn yn methu meini prawf llwyddiant 1.3.1 (gwybodaeth a pherthnasoedd), 2.4.6 (penawdau a labeli) a 4.1.2 (enw, rôl a gwerth) WCAG 2.2.

Byddwn yn datrys hyn pan fyddwn yn datblygu gwasanaeth gwneud cais ar-lein newydd trwy ddileu unrhyw gwestiynau amodol a ddatgelir, a dilyn dull un cwestiwn fesul tudalen.

Paratoi'r datganiad hygyrchedd hwn

Paratowyd y datganiad hwn ar 23 Medi 2020. Fe'i hadolygwyd ddiwethaf ar 16 Medi 2024.

Profwyd y gwasanaeth hwn ddiwethaf ar 16 Ebrill 2024 yn erbyn safon AA WCAG 2.2.

Cynhaliwyd y prawf gan DWP, gan ddefnyddio profion awtomataidd â llaw.